«Агростартап» уонна «Дьиэ кэргэн фермата» граннары биэриигэ программалары ырытан көрдүбүт. Онно көстөрүнэн иккиэннэригэр сылын аайы ылбыт улуустарынан Хаҥалас, Чурапчы уонна Нам фермердара буоллулар.
Практика көрдөрөрүнэн, программаларга үлэ да, докумуон да өттүнэн олох бэлэмнээх дьон кыайар.
Бэрээдэктэргэ критерийдэрдээх. Холобур, Агростартапка былырыын 6 критерий баар эбит буоллаҕына, быйыл 20 критерий буолбут. Мин көрүүбэр, эдэрдэргэ болҕомто ууруллубут. Сөп ээ, тыа сиригэр эдэр дьон олохсуйуохтарын наада.
Инники сыллары да ырытан көрдөххө, үгүс кыттааччы 35 — 40 саастаахтар буолаллар.
Манна өссө улуустардааҕы тыа хаһаайыстыбатын департаменнарын, управлениеларын үлэлэрэ көстөр дии саныыбын. Кинилэр тыа сиригэр дьону үлэлээх оҥорууга, хаһаайыстыбалаах, сирдээх-уоттаах буолууларыгар кыһаллыылара көстөр дии саныыбын.
Улуустарынан ырытыыны көрүҥ.
