АГАТУ устудьуоннара Ян Потапов уонна Алена Иванова Аартыка университетын (UArctic) «Север к Северу» гранын кыайан, эһиил саас Норвегияҕа үөрэниэхтэрэ. Бу туһунан СИА университет пресс-сулууспатыгар сигэнэн, суруйар.
Инженернай факультет 2-с кууруһун устудьуона Ян Потапов грант 40 тыһ. норвежскай крона сыаналааҕын, итиннэ дойдуга олоруу, аһааһын, үөрэх сыаната, стипендия барыта киирэллэрин этэр. Ян Норвегия Берген куоратыгар сааскы семестрга үөрэниэ. Оттон ветеринарнай мэдиссиинэ факультетын 2с кууруһун устудьуона Алена Иванова Буде куоракка Норд университетыгар үөрэниэ.
UArctic иһинэн ыытыллар грант сылын аайы биллэриллэр. Эһиил саас АГАТУ устудьуоннара Норвегияҕа, Финляндияҕа, Данияҕа, Швецияҕа, Исландияҕа, Канадаҕа, СШАҕа (Аляска) үөрэнэргэ холонуохтарын сөп.
This post was published on 16.07.2021 15:03 15:03