Арктикатааҕы судаарыстыбаннай агротехнологическай университет «Победа» бырайыага үрдүк үөрэх кыһаларын ортотугар ыытыллар «Росмолодежь» граныгар кыайыылаах буолла. Тиэмэтэ — иппотерапия. Грант суумата 1 мөл 407,4 тыһ. солк.
Куонкуруска 2024 сылга 285 үрдүк үөрэх кыһатыттан 2575 сайаапка киирдэ. Кыайыыны 481 бырайыакка биэрдилэр, бу 160 үрдүк үөрэх кыһата Российскай Федерация 62 субъегыттан. Грант уопсай суумата 890 мөл 683 тыһ. 896 солк.
АГАТУ иппотерапия хайысхатыгар «Победа» бырайыагы оҥорон көмүскээтэ. Доруобуйаларыгар хааччахтаах устудьуоннарга уонна СВО кыттыылаахтарын оҕолоругар ананар, атынан хаамтаран айаннатан, доруобуйа туругун тупсарыыга туһуланар.
This post was published on 20.05.2024 11:02 11:02