«Аэропорты Севера» тэрилтэ СВО зонатыгар байыастары өйүүр. Өрөспүүбүлбүкэтээҕи «Сдай ружье на СВО» аахсыйа кэнниттэн, кэлэктиип боеприпас атыылаһыыга үп-харчы хомуйууга холбосто.
Кылгас кэм иһигэр «Аэропорты Севера» тэрилтэ кэлэктиибэ авиаүлэһиттэр идэлээх сойуустарын кытта холбоһон, 72 730 солк. хомуйда.
Бу үбүнэн өстөөх дроннарын утары охсуһарга 12 калибрдаах 1010 ботуруон атыылаһылынна.
«Бастакы сэп-сэбиргэл 394-с мотострелковай полкаҕа тиийдэ. Аны билигин ону көдьүүстээхтик туһаныыны хааччыйарга көмөлөһөбүт. Бу көмөҕө -биһиги өйөбүлбит, итэҕэлбит. Хас биирдии солкуобай – бу аҥардас харчы эрэ буолбатах. Бу биһиги өстөөххө утарылаһыыбыт, оттон көмүскээччилэрбитигэр махталбыт, эрэлбит. Хомуллубут таһаҕас барыта байыастарбытыгар аадырыстаахтык ыытыллан, алтынньы 1 күнүгэр кинилэргэ барыаҕа», — диэн аахсыйа тэрийээччилэрэ бэлиэтээтилэр.
