19 От ыйа 19.07
  • 21°
  • $ 87,88
  • 96,1

Аэропортары саҥардыыга Россия бырайыага оҥоһулунна

09:38, 16 августа 2018
Текст:
Читайте нас на
Яндекс Новости
ЯДВ

РФ бэрэсидьиэнэ Владимир Путин быйылгы “ыам ыйынааҕы ыйааҕар” эрэгийиэннэр икки ардыларыгар көтүүгэ, аэропортары саҥардыыга этиилэри оҥорбута. Ол чэрчитинэн, бу күннэргэ Россия Тырааныспарын министиэристибэтэ 2024 с. диэри магистральнай инфраструктураны саҥардыыга былаанын бырайыагын оҥордо.

Бу былаанынан Россияҕа 66 эрэгийиэннэээҕи аэропортар саҥардыллыахтаахтар. Ол иһигэр Уһук Илин эрэгийиэннэр 38 аэропортарыгар өрөмүөн үлэтэ барыахтаах.
Биһиги өрөспүүбүлүкэбитигэр билигин Дьокуускайы таһынан Алдан, Мирнэй, Нерюнгри, Талакаан, Полярнай, Тиксии, Чокурдаах, Бүлүү аэропортара анал көтөр балаһалаахтар. Өрөспүүбүлүкэ 32 аэропортааҕыттан 25-һэ өрөмүөнү, саҥардыыны ирдиир. Уопсай ылан эттэххэ, аэропортар 80 бырыһыаннара саҥардыллыахтарын наада. Бу туһунан Ил Дархан э.т. Айсен Николаев РФ тырааныспарын миниистирэ Евгений Дитриҕы кытары от ыйыгар Москваҕа кэпсэтэн турар. Бу көрсүһүүгэ Айсен Сергеевич Россия былааныгар Саха сирин 25 аэропордун барыларын киллэрэргэ туруорсубута.
Санатан эттэххэ, бу иннинэ өрөспүүбүлүкэ 15 аэропордун (Өлүөхүмэ, Ньурба, Мирнэй, Черскэй, Эдьигээн, Хаандыга, Белай Гора, Үөһээ Бүлүү, Бүлүү, Депутатскай, Сангаар, Нерюнгри, Полярнай, Уус Ньара, Маҥан) саҥардыы Россия тырааныспарын сайдыытын судаарыстыбаннай бырагырааматыгар киирбитэ. Эбии үбүлээһин көрүлүннэҕинэ, бу аэропортар өрөмүөннэниэхтээхтэр.
Былаан быһыытынан, бу былаан алтынньы 1 күнүгэр диэри оҥоһуллан бүтүөхтээх.

Аграфена КУЗЬМИНА, edersaas.ru

Следите за самым важным и интересным в Telegram-канале и WhatsApp-группе ЯСИА