13 От ыйа 13.07
  • 23°
  • $ 87,74
  • 95,76

Адьырҕа кыыл киһини, сүөһүнү сиэтэ

13:05, 09 июля 2016
Читайте нас на
Яндекс Новости
ЯДВ

От ыйын 6 күнүгэр Горнай улууһун Ис дьыалаҕа отделыгар фермер Федор Стручков сүппүтүн туһунан иһитиннэрии киирбит. Бэрэбиэркэ түмүгэ көрдөрбүтүнэн, Кировскай нэһилиэк Мээнэ сиригэр эһэ кинини өлөрбүт.


СИА ыйытыгар иэдээннээх быһылааны Горнай улууһун ИДьМ салайааччыта Александр Алексеев бигэргэттэ. Кини этэринэн, киһини өлөрбүт эһэ «Мээнэ» хаһаайыстыбатын алта ынаҕын сиэбит.

«Федор Стручковтуун биһиги бииргэ үөрэммиппит. Олус бүгүрү, үлэһит киһи этэ. 1990 сылтан ыла фермерскэй хаһаайыстыбаны үлэлэтэр. Аһыматтан быһа холуйан 3 км тэйиччи сиргэ Мээнэҕэ олоро хаалбыта. Соһуччу сурах барыбытын аймаата. Горнай улууһугар эһэ куруук элбэх. Бу сайын Мытаах таһыгар адьырҕа кыыл суола баара. Сотору сир аһа ситиэ, онон сөптөөх миэрэлэри ылыахтара диэн бүк эрэллээхпин», — диэн сиэртибэ бииргэ үөрэммит доҕоро Владимир Степанов СИА-ҕа кэпсээтэ.

Горнай Дьэкимдэтин олохтоохторо хаста да күнүс бөһүөлэккэ чугаһаабыт эһэни көрбүттэр. Бэл, видеоҕа кытта устубуттар.

Следите за самым важным и интересным в Telegram-канале и WhatsApp-группе ЯСИА