СӨ ОДЬКХ тэрилтэ Абыйдааҕы салаатыгар уу тырааныспарынан чох тириэрдилиннэ. Билигин Эбээн-Бытантай уонна Дьааҥы оройуоттарыгар оттук айанныыр, СИА-ҕа биэдэмистибэ пресс-сулууспата иһитиннэрдэ.
Абый оройуонугар былааннаммыт чох барыта тириэрдилиннэ — 19,1 тыһ. туонна. Ол иһигэр Белай Гораҕа – 16,5 тыһ. тн уонна Кэбэргэнэҕэ – 2,6 тыһ. тн.
Индигир эбэнэн ньиэп күүскэ таһыллар. Миэстэтигэр 7 060 туонна тириэрдилиннэ, былаан 19 тыһ. туонна.
Дьааҥы өрүһүнэн суудуналарынан 4 600 туонна убаҕас оттук Эбээн-Бытантай филиалыгар илдьилиннэ. Дьааҥытааҕы ОДЬКХ-ны хааччыйыыга 31 тыһ. тн чох миэстэтигэр тиийдэ, былаан — 72 тыһ. туонна.
Навигация кэмигэр өрөспүүбүлүкэ оройуоттарыгар барыта 473,8 тыһ. туонна уматык тириэрдиллиэхтээх: 389,5 тыһ. тн чох, 59,2 тыһ. тн ньиэп уонна 25,1 тыһ. тн газоконденсат.
This post was published on 09.09.2020 11:01 11:01