Абыйга күн-дьыл туругуттан сылтаан оскуолалар, оҕо садтара сабыллыбыттарын туһунан иһитиннэрии WhatsApp мессенджеринэнэ киэҥник тарҕанна. СИА бу сымыйа сурах буоларын быһаарда.
«Бэҕэһээ күүстээх буурҕа түспүтэ. Ол түмүгэр оскуолалар, оҕо садтара сабыллыннылар диэн сымыйа. Сыаҕаннаах сэлиэнньэтигэр ол күн хаары ыраастааһыҥҥа санитарнай күнү биллэрбиттэрэ. Ол иһин кыра кылаастар үөрэммэтэхтэрэ, улахаттар үөрэхтэрэ тохтооботоҕо. Улуус үөрэҕин тэрилтэлэрэ режим быһыытынан үлэлииллэр», — диэтэ «Хотугу Кыым» улуустааҕы хаһыат кылаабынай эрэдэкктэрэ Сусанна Никитина.
Балаҕан ыйын 27 күнүгэр Абый олохтоохторо бэлиэтээбиттэринэн, түспүт хойуу хаар сорох сиргэ ардахха кубулуйбута. Ити түмүгэр 2 м үрдүктээх тибии чигдилээбит хаара үөскээбитэ.
