Ярыгин турнирын кыайыылааҕа, Европаҕа көҥүл тустууга вице-чемпион Ньургун Скрябин Мэҥэ Хаҥалас улууһун сүүмэрдэммит хамаандатыгар кылаабынай тренеринэн ананна, суруйар ЯСИА.
Анааһын туһунан улуус баһылыга Дмитрий Тихонов иһитиннэрдэ. Салайааччы спортсмеҥҥа саҥа үлэтигэр ситиһиилэри баҕарда.
Ньургун Скрябин былырыын спортивнай карьератын түмүктээбитэ. Беларусь хамаандатыттан кыттара, Европа чемпионатын үрүҥ көмүс призера, Ярыгин гран-притыгар кыайыылаах уонна призер, Тахти Кубогар ситиһиилэммитэ, аан дойду чемпионаттарыгар кыттыбыта.
This post was published on 05.02.2025 14:07 14:07