Экология министиэристибэтигэр Саха сиригэр ойуур баһаарын кытта охсуһуу балаһыанньатын иһитиннэрдилэр.
Саха сирин ойуурун пуондатыгар 18 уот баар, уопсай иэнэ 6303,5 га. Ньурбаҕа — 3, Сунтаарга — 2, Кэбээйигэ — 3, Бүлүүгэ — 1, Үөһээ Бүлүүгэ — 2, Ленскэйгэ — 1, Уус-Майаҕа — 1, Хаҥаласка — 1, Томпоҕо — 2, Нерюнгрига — 2. Билигин биэс баһаар бохсулунна, уопсай иэнэ 940 га — Кэбээйигэ, Ленскэйгэ, Сунтаарга, Ньурбаҕа, Уус-Майаҕа.
Уоту умуруорууга 1507 киһи уонна 184 техника үлэлиир. Уһук Илиҥҥи бааза 55 авиабаһаарынайа Үөһээ Бүлүү улууһугар үлэлииллэр. Приморскайдааҕы баазаттан 120 авиабаһаарынай Ньурба оройуонун уотун тохтотууга сылдьаллар. Бүгүн, бэс ыйын 9 күнүгэр, эбии 47 авиабаһаарынай уонна икки летчик-кэтээн көрөөччү «Авиалесохрана» Амурдааҕы салаатыттан кэлиэхтэрэ.
Ааспыт сууккаҕа түөрт уот тохтотулунна, уопсай иэнэ 605 га.
This post was published on 09.06.2021 11:01 11:01