Ааспыт сууккаҕа Саха сиригэр ойуур пуондатын сиригэр 0,6 гектар иэннээх биир баһаары буллулар, уонна тута умуллардылар. Бу туһунан регион Экологияҕа министиэристибэтэ бээтинсэҕэ иһитиннэрдэ.
Ыам ыйын 19 күнүгэр сарсыарда өрөспүүбүлүкэҕэ баһаар суох диэн чуолкайданар. Авиаботуруулга икки салгын суудуната сылдьар.
Саха сиригэр баһаарынай сезон саҕаланыаҕыттан барыта 32 ландшафтнай уонна алта ойуур баһаара бэлиэтэннэ. Бу баһаардар бары уоту сэрэҕэ суохтук туттааһынтан, оту өртөөһүнтэн таҕыстылар.
Санатан эттэххэ, баһаартан сэрэхтээх буолуу сезона регион 15 оройуонугар, ону тэҥэ Дьокуускайга киирэн турар. Бу кэмҥэ тыаҕа, айылҕа экосистемаларыгар уонна онно сыһыарыллыбыт территорияларга аһаҕас уоту туһаныы уонна оту өртөөһүн кытаанахтык бобуллар. Куттал суох буолуутун быраабылатын кэһии иһин ыстараап көрүллэр. Уот ойуур баһаарыгар кубулуйдаҕына холуобунай эппиэтинэскэ тардаллар.
