Бүгүн сарсыардааҥҥы туругунан, өрөспүүбүлүкэҕэ ойуур уонна ландшафтнай баһаардар суохтар. Ааспыт сууккаҕа 1201 га иэннээх биир ландшафтнай баһаары булан умуруордулар. Бу туһунан СӨ Суһал штаба иһитиннэрэр, диэн НВК Саха телеграм-ханаала суруйар.
Тэҥнээн көрдөххө, былырыын от ыйын 8 күнүгэр 330 тыһ тахса га иэннээх 122 ойуур баһаара турбут.
Сезон саҕаланыаҕыттан, ойуур фондатын сирдэригэр 56 485,85 га уопсай иэннээх 154 ойуур баһаара бэлиэтэммит. 2024 сылга баччаларга — 1 131 359,1 га иэннээх 604 баһаар.
Ону тэҥэ атын категориялаах сирдэргэ 7 678 га иэннээх 186 ландшафтнай баһаар бэлиэтэммит.
Өрөспүүбүлүкэҕэ анал баһаары утары эрэһиим үлэлиир. Ону таһынан, анал баһаары утары эрэһиим Үөһээ Дьааҥы, Өлүөхүмэ, Эбээн Бытантай улуустарыгар, Жатай куораттааҕы уокурукка киирбитэ.
Айылҕаҕа баһаар тахсыбытын көрбүттэр ойуур хаһаайыстыбатын регионнааҕы диспетчерскэй сулууспатыгар эрийиҥ: 7 (4112) 44-74-76. Ону тэҥэ ойуур харыстабылын биир кэлим нүөмэригэр: 8-800-100-94-00.
This post was published on 08.07.2025 12:46 12:46