Прикладной геофизика института күҥҥэ бүтэһик кылаастаах – М7.4 – биир күҥҥэ иккис эстии регистрацияламмытын туһунан иһитиннэрдэ. Тэрилтэ иһитиннэрэринэн, сэтинньи 5 күнүгэр Москуба бириэмэтинэн 14:19 чааска рентген диапазонугар бэлиэтэммит уонна 60 мүнүүтэ устата салҕаммыт.
Эрдэ сэрэдэ буолар түүнүгэр Х1.2 уонна М1.7 эстиилэр биллэриллибиттэрэ.
Санатар буоллахха, күн эстиитин рентген уотунан биэс кылааска: А, В, C, М уонна Х кылаастарга араартыыллар, манна алын кылаас А0.0 Сир орбитатыгар квадратнай миэтэрэҕэ 10 нановатт радиация кыамтатыгар сөп түбэһэр. Хас биирдии кэлин буукуба кыаҕа 10 төгүл улаатар. Эстии күн плазматын таһаарыынан барыан сөп, Сиргэ тиийэн магнитнай буурҕалары үөскэтэр кыахтаах.
Быраастар этэллэринэн, магнитнай буурҕа сүрэх-тымыр уонна атын да хроническай ыарыылаах дьоҥҥо, кырдьаҕас дьоҥҥо улахан сабыдыаллаах буолуон сөп, ол гынан баран, оннооҕор бэрт чөл дьон маннык күннэргэ ыарыы бэлиэлэрин билиэхтэрин сөп: төбө ыарыыта, хотуо, мэйии эргийиитэ, сылайыы, мөлтөөһүн, утуйуу кэһилиитэ, былчыҥ, сүһүөх ыарыыта уо.д. а.
Магнитнай буурҕа киһиэхэ хайдах дьайарын уонна көмүскэнэр рекомендациялары биһиги матырыйаалбытыгар ааҕыҥ.
This post was published on 06.11.2025 12:17 12:17