Ааспыт нэдиэлэҕэ Дьокуускайга 75 суол быһылаана бэлиэтэннэ, онтон 13-гэр дьон эмсэҕэлээтэ. Бу туһунан ыам ыйын 10 күнүгэр куорат мунньаҕар иһитиннэрдилэр.
Суол быраабылатын 1396 кэһии бэлиэтэннэ. Итирик туруктаах сылдьан 68 суоппар тутулунна, ол иһигэр сэттэ киһини иккистээн эппиэккэ тартылар.
Ону таһынан техническэй көрүү пууннарыгар 42 дьону тиэйэр оптуобуһу бэрэбиэркэлээтилэр. Онуоха, 13 оптуобус куттал суох буолуутун хааччыйар ирдэбилгэ эппиэттээбэт.