Ааспыт нэдиэлэҕэ Дьокуускай сиригэр-уотугар 27 баһаар бэлиэтэммит, улахан баһаар тахсыбата, эчэйбит уонна өлбүт киһи суох, диэн Дьокуускай куорат телеграмм-ханаалыгар иһитиннэрдилэр.
Баһаар үксэ кураанах от умайыытытытан тахсар. Бу туһунан ыам ыйын 16 күнүгэр уопсай куорат мунньаҕар эттилэр.
Саха лесничествотын территориятыгар баһаартан сэрэхтээх буолуу сезона тэриллиннэ, диэн Куорат уокуругун уонна ыксаллаах быһыыга салалтатын начальнига Николай Егоров бэлиэтээтэ. Кини нэдиэлэҕэ 7 ландшафтнай баһаар умулларыллыбытын иһитиннэрдэ.
Дьокуускай баһылыга Евгений Григорьев чааһынай секторга, даача кооперативтарыгар баһаартан сэрэтэр дьаһаллары күүһүрдэргэ сорудахтаата.
Ыам ыйын 12 күнүгэр Владимирка нэһилиэгин чугаһыгар 12 гектар иэннээх ойуур баһаарын умуллардылар.
Григорьев оперативнай сулууспаларга уонна структурнай подразделениеларга Владимировка таһыгар тахсыбыт айылҕа баһаарын түргэнник умулларбыттарын иһин махтанна.
This post was published on 16.05.2022 14:01 14:01