Бу нэдиэлэҕэ Саха сириттэн анал байыаннай дьайыы ыытыллар сиригэр Аҕа дойдуну көмүскээччи күнүгэр байыаннайдарга аналлаах бырааһынньыктааҕы ас набордаах үс массыынаны анаан-минээн ыытыы былааннанар. Бу туһунан олунньу 4 күнүгэр нэдиэлэ аайы ыытыллар брифиҥҥэ өрөспүүбүлүкэ гражданскай оборонаҕа дьыалаларыгар уонна нэһилиэнньэ олоҕун-дьаһаҕын куттала суох буолуутун хааччыйыыга миниистир Дмитрий Лепчиков иһитиннэрдэ.
Маны сэргэ гуманитарнай көмө састаабыгар — байыаннай сулууспалаахтарга анаан аадырыстаах баһыылкалар уонна да атын таһаҕастар бааллар.
Фроҥҥа көмөҕө 2025 сыллаахха сүүһүнэн тырааныспар, тыһыынчанан квадрокоптердар, генератордар, сибээс сириэстибэлэрин уонна да атын тэриллэри инники кирбиигэ тириэрдиллибитэ. Тирэх пууннарга үлэһиттэр, волонтердар түүннэри-күнүстэри үлэлэрэ салҕанан бара турар. Таһаҕаһы арыаллыыллар, хас биирдии байыаһы өйүүллэр.
Ураты өйөбүл — бааһырбыт дьоҥҥо госпиталларга көмөлөһүү, эмтээһини тэрийиигэ көмөлөһүү, докумуону оҥорууга көмө, аймахтарын кытта сибээс.
