«Эһиги хорсун быһыыгытыгар дириҥник махтанан туран, өрөспүүбүлүкэбит үрдүк наҕараадатын — Саха сирин бочуоттаах олохтооҕо ааты туттарарга ыйаах таһаардым. Сорохтор маннык наҕарааданан эрдэ бэлиэтэммиттэрэ. Бүгүн үрдүк аат туттарыллар Афанасьев Николай Ивановичка, Березкин Алексей Николаевичка, Григорьев Мартын Герасимовичка, Ефремова Валентина Васильевнаҕа, Колтовской Семен Ивановичка, Слепцов Наум Трифоновичка уонна Спиридонов Валерий Михайловичка» , — диэтэ Айсен Николаев өрөгөйдөөх тэрээһиҥҥэ.
«Маннык улахан наҕараада мээнэ бэриллибэт. Өрөспүүбүлүкэ сайдыытыгар хас да уонунан сылларга чиэһинэй, үтүө суобастаах үлэ иһин бэриллэр. Биһиги Сахабыт сирин сайдыытын иһин үлэлээбиппит. Ис сүрэхпиттэн махтанабын», — диэтэ сэрии бэтэрээнэ Валерий Спиридонов.
This post was published on 21.02.2025 16:01 16:01