Регион баһылыга нэдиэлэ бүтүөр диэри сэрии бэтэрээннэригэр көрүллэр төлөбүрдэр тиийиэхтээхтэрин эттэ. Маны сэргэ олунньу 20 күнүгэр диэри сэрии кыттыылаахтарын огдооболоругар, блокаднай Ленинград олохтоохторугар, концлааҕыр хаайыытыгар олорбуттарга, тыыл бэтэрээннэригэр, сэрии оҕолоругар көрүллэр төлөбүрдэр тириэрдиллиэхтээхтэр.
Мунньахха маны сэргэ Айсен Николаев, олунньуга саҕаланыахтаах толоруулаах былаас 2024 сыллааҕы үлэтин отчуотугар, бэлэмнэниигэ старт биэрдэ. Ордук болҕомто Российскай Федерация президенэ уонна бырабыыталыстыбата саҥа быһаарыыларын толорууга уурулунна. Чуолаан, 2030 сылга уонна инникитин 2036 сылга диэри национальнай сыаллар сайдыыларын ситиһиигэ биир кэлим былаан туолуута этилиннэ.
«Кэлэр 12 сылга былаан сүрүн ориентир буолуоҕа бырабыыталыстыбаҕа, министиэристибэлэр, биэдэмистибэлэр, дьаһалталар, сайдыы институттарын уонна судаарыстыбаннай хампаанньалар үлэлэригэр», – диэтэ Ил Дархан.
Сиһилии манна ааҕыҥ.
This post was published on 13.01.2025 16:02 16:02