Саха сиригэр Аҕа дойду буойуттарын дьиэ кэргэннэрин кэмитиэтин (КСВО) «Правмобиль. КСВО» мобильнай юридическай приемнайа улуустарынан айанныырын салгыыр, суруйда Саха сирэ саайт.
Бу күннэргэ КСВО бырайыагын кыттыылаахтара байыаннай дьайыы кыттыылаахтарын дьиэ кэргэттэрин көрсөн кэпсэтэллэр, туох ыарахан баарын, туохха көмө наадатын ыйыталлар, сүбэлииллэр диэн кэпсээтэ КСВО салайааччытын солбуйар Саргылана Неустроева.
«Правмобиль. КСВО» хайыы-үйэ Мэҥэ Хаҥаласка, Намҥа, Уус Алдаҥҥа сылдьыбыт. Ону таһынан кулун тутарга Орто Халымаҕа дьону кытта көрсүбүттэр, киирбит 230 ыйытыынан үлэлиэхтээхтэр. Сотору «Правмобиль. Час КСВО» Бүлүү умнаһын улуустарыгар тиийиэҕэ. Бырайыакка Саха сиригэр киһи быраабын боломуочунайа, уопуттаах юристар, психологтар, военкомат, былаас уорганын бэрэстэбиитэллэрэ, КСВО актыбыыстара кыттыыны ылаллар, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
This post was published on 19.03.2026 12:02 12:02