Россия күнүн көрсө Үөһээ Бүлүү уонна Таатта улуустарын «Биир ньыгыл Россия» баартыйа олохтоох салаалара быраастарга бородуукта набордарын туттардылар, СИА-ҕа баартыйа пресс-сулууспата иһитиннэрдэ.
“Үөһээ Бүлүү улууһугар хас биирдии коронавируһу кытта охсуһар медицинскэй уонна техническай персоналга «Биир ньыгыл Россия» баартыйа аатыттан минньигэс набору туттардыбыт. Кинилэр үлэлэригэр махтанныбыт”, — диэн Спиридон Борбуев, баартыйа олохтоох салааатын толорор сэкирэтээрэ Instagram сирэйигэр суруйда.
“Таатта улууһун киин балыыһатын кылаабынай бырааһыгар Сардаана Кононоваҕа, медиктары өйүүрбүтүн биллэрэн, чэйгэ иһэргэ бородуукта наборун туттардыбыт. Кинилэр тохтололо суох үлэлэригэр уонна профессионализмнарыгар тирэҕирэн, биһиги пандемияны кыайыахпыт диэн эрэллээхпит”, — диэтэ Михаил Тарасов, Тааттатааҕы салаа сэкирэтээрэ.
This post was published on 12.06.2020 18:01 18:01