21 Тохсунньу 21.01
  • -48°
  • $ 73,82
  • 83,32

95 саастаах кырдьаҕас – Гран-при хаһаайката

17:48, 10 апреля 2018
Текст:

Муус устар 8 күнүгэр «Көмүс түгэн» («Золотое мнговение») диэн аҕам саастаахтарга аналлаах бэстибээл ыытылынна. Бэстибээли «Бриллиантовые нотки» пуонда тэрийдэ. Бу туһунан edersaas.ru сайт суруйар. 


Бэстибээлгэ Сунтаар, Амма, Уус Алдан, Таатта уо.д.а. улуустартан үҥкүү бөлөхтөрө, ырыа ансаамбыллара, биирдиилээн толорооччулар икки түһүмэҕинэн кытыннылар.

Дьүүллүүр сүбэ барыта 90-ча нүөмэри сыаналаата. Ол түмүгэр, көрөөччүлэр уонна дьүүллүүр сүбэ биһирэбилин 95 саастаах ытык кырдьаҕас Анисия Габышева бэйэтэ айбыт ырыа-хоһоон алгыһынан ылла.

Көрөөччүлэр ытык кырдьаҕаһы сыанаҕа тахсыаҕыттан ытыс тыаһынан арыаллаатылар. Анисия Гаврильевна ырыатын үрдүк таһымнаахтык толороругар көрөөччүлэр ытыстарын тыаһа төһүү күүс буолбута саарбаҕа суох.

Олоххо тапталынан, дьоҥҥо үтүө сыһыанынан уһун үйэлэммит Анисия ГабышеваГран-при хаһаайкатынан буолан, «Абырал» санаторийга босхо путевканан наҕараадаланна.

Чурапчы Хоптоҕотуттан төрүттээх Анисия Гаврильевна – сэрии кыттыылааҕын огдообото, тыыл уонна педагогическай үлэ бэтэрээнэ, Учууталлар учууталлара.

Надежда ЕГОРОВА, «Саха сирэ» хаһыат, edersaas.ru

0
0
21 января 21.01
  • -48°
  • $ 73,82
  • 83,32