Дьаарбаҥка үлэтигэр социальнай тэрилтэлэр, тырааныспар, суол хаһаайыстыбатын, ОДьКХ уонна энергетикэ, бырамыысыланнас уонна да атын тэрилтэлэр үлэ миэстэтин көрдөрдүлэр. Барыта 476 үлэ биэрээччи, ол иһигэр бөдөҥ тэрилтэлэр АЛРОСА, «ЯТЭК», «Полиметалл», «Нордголд», «Аэропорты Севера», ИДьМ регионнааҕы салаата, Сбербанк, ВТБ, Килиэп кэмбинээтэ, «ЯПАК» кыттыыны ыллылар.
Дьаарбаҥкаҕа 4 538 үлэ көрдөөччү сырытта — устудьуоннар, эдэр исписэлиистэр, уопуттаах профессионаллар. Үөрэх тэрилтэлэриттэн 50 маастар-кылаас 920 кыттааччыны түмтэ», – кэмитиэт бэрэссэдээтэлэ Светлана Горюшинская эттэ.
«Алмазы Анабара», «Нерюнгри Металик», «Эльгауголь» бырамыысыланнас тэрилтэтэ, Доруобуйа харыстабылын уонна Үөрэх министиэристибэлэрэ кадрга аһаҕас онлайн-талыы ыыттылар. Ол түмүгэр 34 киһи бэйэтин быыбарын оҥордо.
