Дьокуускайга саха тимир ууһун сүрүн тэрээһинэ буолла, «Дархан Уус» быыстапка 14-с төгүлүн ыытылынна. «Куруһаала» атыы-эргиэн киинигэр бу искусствоны сыаналааччылар көрсүһүүлэрэ буолла, ол туһунан тэрийээччилэр эттилэр.
Быйылгы быыстапка аныгы тимир ууһун үлэтин төрүттээччи, өрөспүүбүлүкэ уонна Таатта бочуоттаах олохтооҕо, П.А. Ойуункускай аатынан судаарыстыбаннай бириэмийэ лауреата, СӨ култууратын үтүөлээх үлэһитэ, духуобунас Академиятын академига, Саха сирин тимир уустарын сүбэтин бочуоттаах бэрэссэдээтэлэ уонна норуот маастара Борис Неустроев-Мандар Уус 80 сааһыгар ананна.
Быыстапкаҕа 80-тан тахса тимир ууһа Усуйаанаттан, Ньурбаттан, Үөһээ Бүлүүттэн, Бүлүүттэн, Алдантан, Томпоттон, Тааттатан, Амматтан, Чурапчыттан, Уус Алдантан, Мэҥэ Хаҥаластан, Хаҥаластан, Намтан уонна Дьокуускайтан кытыннылар.
Түмүк:
«Бастыҥ художественнай быһах» (9 кыттааччы):
- Сандал Мордосов (Дьокуускай);
- Илья Готовцев (Дьокуускай);
- Феликс Шамаев (Таатта).
«Бастыҥ куухуна быһаҕа» (70):
- Степан Пахомов (Таатта);
- Гаврил Мохначевскай (Таатта);
- Сергей Петров (Хаҥалас).
«Универсальнай быһах» (66):
- Илья Готовцев (Дьокуускай);
- Валерий Сидоров (Мэҥэ Хаҥалас);
- Родион Шадрин (Мэҥэ Хаҥалас).
This post was published on 24.02.2025 18:01 18:01