2023 сылга байыаннай сулууспалаахтар дьиэ кэргэттэриттэн 80 оҕо Сунтаар улууһун Кэмпэндээйитигэр «Сир уустара» доруобуйаны чэбдигирдэр, үөрэтэр кииҥҥэ сынньаныаҕа.
«Сир уустара» киин Кэмпэндээйитээҕи «грязелечебнай» санаторий баазатыгар тэрилиннэ. Манна оҕолор доруобуйаларын тупсарыахтара: массаж, механомассаж, ЛФК, күөмэй сайҕаныыта, кислороднай коктейль, от чэй, туустаах хос.
Маны сэргэ оҕолор «Столярное дело», «Спортивное ориентирование», «Живая планета», «Хоровое пение» бырагыраамаларга үөрэниэхтэрэ.
Босхо путевка «Мои документы» офиһыгар бэриллибит эбэтэр e-yakutia.ru почтаҕа ыытыллыбыт сайабылыанньаҕа олоҕурар. Оҕо төрөппүтэ эбэтэр сокуонунан бэрэстэбиитэлэ суруйар.
Байыаннай сулууспалаахтар дьиэ кэргэттэрин оҕолоругар анаммыт смена ааспыт сыл сэтинньититтэн саҕаламмыта. Онно сэттэ оҕо сынньыммыта. 2023 сылга барыта 520 оҕону улуустартан уонна куораттартан хабар былаан баар.
