7 Алтынньы 07.10
  • -4°
  • $ 60,25
  • 58,24

8 саастаах Амелия Бурцева дуобакка аан дойду чөмпүйүөнэ буолла

17:01, 31 августа 2021
Текст:

8 саастаах Амелия Бурцева классическай дуобакка (чаҕылҕанныы, түргэн бырагыраамаларга) аан дойду күрэҕэр чөмпүйүөн үрдүк аатын ылары ситистэ. Күрэхтэһии Турция Каппадокия куоратыгар буолла.


Атырдьах ыйын 20 – 30 күннэригэр ыытыллыбыт күрэххэ Турцияттан, Польшаттан, Украинаттан, Венгрияттан, Арассыыйаттан 80-тан тахса кыттааччы кытынна. Дьокуускай куорат классическай гимназиятын үөрэнээччитэ Амелия Бурцева 9-гар диэри саастаахтарга үс бырагыраамаҕа эрэллээхтик кыайда. Быйыл иккис кылааска үөрэнэ барар кыысчаан дуобатынан биэс саастааҕыттан утумнаахтык дьарыктанар.

Чаҕылҕанныы (молниеносная) уонна түргэн бырагыраамаҕа 11 саастарыгар диэри күрэхтэһээччилэргэ Хаҥаластан Айсаана Шахурдина кыайыыны ситистэ. Айсаана икки атын бырагыраамаҕа эмиэ бириистээх миэстэлэри ылла. Чаҕылҕанныы бырагыраамаҕа 14 саастарыгар диэри күрэхтэһиигэ бастакы миэстэни Намтан Анита Данилова ылла.

Атын бириистээх миэстэлэри ылааччылар ааттарын сиһилии манна көр https://ysia.ru/vosmiletnyaya-yakutyanka-stala-chempionkoj-pervenstva-mira-po-shashkam/

Следите за самым важным и интересным в Telegram-канале и WhatsApp-группе ЯСИА
0
0