Сыл бүтүөр диэри Горнай улууһун Бэрдьигэстээх нэһилиэгэр 176 ыалы хаарбах туруктаах дьиэлэртэн саҥа тупсаҕай кыбартыыраларга көһөрүөхтэрэ.
Билигин 5 тыһ. кв. миэтэрэ иэннээх сир учаастагар сэттэ үстүү мэндиэмэннээх дьиэлэр тутуулара салҕанар. «СӨ госзаказчигын сулууспатын» генеральнай дириэктэрин солбуйааччы Владимир Сыроватскай кэпсииринэн, кыбаартал тутуута 55,3 %- на тэҥнэһэр, дьиэ-уот сүрүн хоруопката тутуллан бүттэ, монтаж оҥоһулунна, билигин ититиини киллэрэллэр уонна түннүк блоктарын туруоруллаллар.
Санатан эттэххэ, Горнай улууһугар «Олорор дьиэ уонна куорат эйгэтэ» национальнай бырайыагы олоххо киллэрии чэрчитинэн 2025 сыл ахсынньы 31 күнүгэр диэри 19 659 кв. миэтэрэ хаарбах дьиэлэри суох оҥоруохтаахтар, бу 91 аварийнай туруктаах дьиэлэр, манна билигин 1647 киһи олорор. Бу бырайыагы олоххо киллэрэргэ 1811,9 мөл. солк. көрүлүннэ.
