РФ Президиэнэ Владимир Путин бырабыыталыстыбаҕа 7-гэр диэри саастаах оҕолоох төрөппүт больничнайын толору төлүүр туһунан боппуруоуһу көрөллөрүгэр сорудахтаата. Санатар эбит буоллахха, больничнай үлэ ыстааһыттан көрөн төлөнөр. Сорудаҕы толоруу туһунан дакылаат 2020 сыл ахсынньы 1 күнүгэр бэлэм буолуохтаах. Кремль саайта суруйар диэн, иһитиннэрэр ТАСС.
«7-гэр диэри саастаах оҕолоох төрөппүт ыалдьан быстах кэмҥэ үлэлээбэтэҕэр көрүллэр босуобуйатын, кини үлэтин ыстааһыттан тутулуга суох, 100 бырыһыан уйунар туһунан боппуруоһу көрөргө. Төлөбүр үбүлээһинин иэнин уонна источнигын быһаарарга», — диэн суруллар иһитиннэриигэ.
Сорудах туолуута — ахсынньы 1 күнэ.
Билигин баар сокуон быһыытынан больничнай үлэһит ыстааһыттан көрөн төлөнөр. 8 уонна онтон үөһэ ыстаастаах — 100% орто хамнастан, 5-тэн 8 сылга диэри — 80%, 5 сылга диэри — 60%.
This post was published on 27.10.2020 10:01 10:01