Ахсынньы аам-даам тымныытыгар, будулҕан туманнаах 55 кыраадыс тымныыга Мэҥэ-Хаҥалас Майа сэлиэнньэтигэр бэҕэһээ, ахсынньы 13 күнүгэр кулунчук күн сирин көрдө. Бу туһунан @mayasonun инстаграм-сирэй кэпсиир.
«Айылҕабыт барахсан хайдахтаах да олох силлиэтигэр, бытарҕан тымныытыгар, оҕолоругар, биһиэхэ самныбат санааны, инникигэ эрэли, сарсыҥҥы олох туһугар харса суох охсуһар күүстээх майгыны биэрбит. Бу кулунчук ахсынньы аам-даам тымныытыгар, будулҕан туманнаах 55 кыраадыска күн сирин көрдө. Саха киһитигэр үрүҥ күн анныгар олоххо тардыһыы, сырдыкка, көҥүлгэ, дьолго дьулуһуу, күүстээх санааланыы холобурун көрдөрөр», — диэн суруллубут хаартыска анныгар.
This post was published on 14.12.2020 11:01 11:01