Нерюнгри, Алдан, Хаҥалас, Мэҥэ Хаҥалас оройуоннарыгар, элбэх хаар түспүтүн кэннэ, суол үлэһиттэрэ күүһүрдүллүбүт эрэсиимҥэ киирдилэр. «Лена» трассаҕа 56 анал техника үлэлиир.
«Лена» суол управлениетыгар эппиттэринэн, хаар түһэн, суолга харгыстар өссө нэдиэлэ бүтүөр диэри салҕаныахтара. Билигин трассаҕа 56 техника дьуһуурустубалыыр, наада буоллаҕына өссө эбиллиэхтээх.
Тэрилтэ суоппардар сэрэхтээхтик айанныылларыгар сүбэлиир. Ыксалаах быһыы-майгы буолар түбэлтэтигэр быыһыыр сулууспаҕа 112 уонна «Лена» управлениеҕа эрийэргитин санатар: +7(41145) 31218 уонна +79241731218.
