Олоҥхоһут Андрей Титаров сырдык кэриэһигэр оҕолор уонна улахан дьон ортолоругар ыытыллыбыт күрэстэһии кыайыылаахтарын 200-түү тыһ.солк. бириэмийэлээтилэр. Тэрээһин Үөһээ Бүлүү Кэнтигэр буолла.
Манна 100 оһуохай этээччи кытынна. Бүтэһик түһүмэххэ итинтэн 15 этээччи тиийдэ.
Оһуохайы этэр саамай эдэр кыттааччы сааһа 8, оттон аҕа этээччи – 86.
Талар түһүмэххэ оһуохайдьыттар көҥүл ис хоһоонноох оһуохайдары толордулар. Ол кэнниттэн финалга – Андрей Титаров айар үлэтин, Кэнтик сэлиэнньэтин, Манчаары оонньууларын, айылҕа, кыыс кэрэтин тута хоһуйдулар.
Оһуохайдьыттар өрөспүүбүлүкэтээҕи куонкурустарын кыайыылаахтарынан Сунтаар улууһуттан кыттыбыт Михаил Евсеев уонна Үөһээ Бүлүүттэн Айталина Мойтохонова буоллулар. Кинилэргэ «Аар Дархан» уонна «Аан Дархан» ааттары иҥэрдилэр. Андрей Титаров кыыһа Тамара Николаева уонна кини дьиэ кэргэнэ харчынан бириэмийэлэри туттарда.
Үөһээ Бүлүү улууһун баһылыгын солбуйааччы Люция Тойтонова «Оһуохай» өрөспүүбүлүкэтээҕи уопсастыбатыгар уонна салайааччыга Александр Даниловка үбүнэн-харчынан эбии көмө иһин истиҥник махтанна. «Барыта үрдүк таһымҥа ааста! Кыттааччылар оһуохайы уратытык толордулар, бэйэ-бэйэлэрин кытта билистилэр, уопуттарын, үөрүйэхтэрин атастастылар», – диэтэ кини.
Үөһээ Бүлүү улууһуттан бастыҥ этээччи элбэҕэ түбэһиэхчэ буолбатах. Кинилэр бары Кэнтик орто оскуолатын иһинэн үлэлиир Олоҥхо Оскуолатыгар дьарыктаммыттара. Маны Айталина Мойтохонова иилиир-саҕалыыр.
Оҕолор ортолоругар кыайыылаахтарынан буоллулар:
1-4 кылаастарга:
1.Марианна Алексеева
2.Света Ильина
3.Кристина Алексеева
7-8 кылаастарга:
1.Лия Саввинова
2.Спиридиана Николаева
3.Рустам Семенов
10-11 кылаастарга:
1.Марфа Осипова
2.Мария Семенова
3.Уруйдаана Уйгурова
«Кэскиллээх этээччи» анал аакка Ангелина Ксенофонтова тигистэ.
Улахан дьон ортотугар кыайдылар:
18-35 саастаахтарга:
1.Станислав Иванов, Мэҥэ Хаҥалас улууһа
2.Андрей Алексеев, Үөһээ Бүлүү улууһа
3.Розанна Герасимова, Үөһээ Бүлүү улууһа
Эдэрдэр ортолоругар муҥутуур кыайыылаах — Марианна Хобусарова, Үөһээ Бүлүү улууһа
36-50 саастаахтарга:
1.Владимир Николаев, Бүлүү улууһа
2.Анатолий Васильев, Үөһээ Бүлүү улууһа
51-70 саастаахтарга:
1.Розалия Тихонова, Ньурба улууһа
2.Егор Егоров, Үөһээ Бүлүү улууһа
3.Валентина Иванова, Үөһээ Бүлүү улууһа
4.Валентин Хорунов, Нам улууһа
70 саастарыттан үөһэ:
1.Роман Иванов, Сунтаар улууһа
2.Анатолий Кривошапкин, Сунтаар улууһа
3.Иван Борисов, Кэбээйи улууһа
«Аар Дархан» – Михаил Евсеев
«Аан Дархан» – Айталина Мойтохонова
