15 От ыйа 15.07
  • 27°
  • $ 87,74
  • 95,76

Александр Федотов сырдык кэриэһигэр анаммыт турнир төрдүс төгүлүн ыытыллар

15:19, 07 декабря 2016
Текст:
Читайте нас на
Яндекс Новости
ЯДВ

Дьокуускайга «Кыайыы 50 сыла» спорт дыбарыаһыгар ахсынньы 8-11 күннэригэр Александр Федотов сырдык кэриэһигэр анаммыт турнирга өрөспүүбүлүкэ бастыҥ боксердара мустуохтара.


Боксаҕа ССРС спордун маастарыгар кандидат, спорт бу көрүҥэр федерация президенэ Александр Федотов сырдык кэриэһигэр анаммыт турнир төрдүс төгүлүн ыытыллар. Былырыыҥҥыттан ыла Арассыыйа таһымнаах күрэхтэһии анал туругун ылбыта. Бастакы күрэхтэһии кини төрөөбүт Чурапчытыгар ыытыллыбыта.

Быйылгы турнирга боксердар спорт маастара үрдүк ааты ылар кыахтаахтар. 49, 52, 56, 60, 64, 69, 75, 81, 91 диэри уонна 91 кг үөһэ ыйааһыннарга спортсменнар күөн көрсүөхтэрэ.

Тэрийээччилэр этэллэринэн, эһиилгиттэн ыла Арассыыйа араас муннуктарыттан спортсменнар бу күрэхтэһиигэ кыттыахтара.

Следите за самым важным и интересным в Telegram-канале и WhatsApp-группе ЯСИА