21 Тохсунньу 21.01
  • -48°
  • $ 73,82
  • 83,32

Ил Түмэҥҥэ бырабыыталыстыба бэрэссэдээтэлин кандидатуратын ырыттылар

15:17, 25 октября 2016

Бүгүн үлэтин саҕалаабыт Ил Түмэн пленарнай мунньаҕар норуот дьокутааттара бырабыыталыстыба бэрэссэдээтэлин дуоһунаһыгар Евгений Чекин кандидатуратын ырыттылар. Кандидатураны Егор Борисов киллэрбитэ.


«Евгений Чекин — саҥа формация салайааччыта. Кини өрөспүүбүлүкэ олоҕун-дьаһаҕын, уратытын сиһилии билэр. Кини дьоҥҥо-сэргэҕэ билиҥҥитэ киэҥник биллибэт киһи. Сорохтор Чекин Саха сиригэр төрөөбөтөх киһи буоларын ойуччу тутан бэлиэтииллэр. Итиниэхэ сыһыаннаан манныгы этиэх этим. Атын регионнарга төрөөбүт дьон бырабыыталыстыба бэрэссэдээтэлинэн үлэлии сылдьыбыттара уонна өрөспүүбүлүкэ сайдарыгар сүҥкэн кылааттарын киллэрбиттэрэ. Чекин баартыйата суох, интэриэһинэн хайа да бөлөххө киирбэт. Ити суолтата улахан», — диэтэ Егор Борисов.

Экономиканы салайыы көдьүүһэ улаатарыгар улахан болҕомто ууруллар. Кэлиҥҥи сылларга макроэкономическай көрдөрүүлэр өрө тахсыбыттарын да иһин, тэтим түргэтиирэ наадатын Егор Борисов эттэ. Бырайыактыыр салайыы үлэҕэ саҥа күүһү-күдэҕи киллэриэхтээх.

chek2

Дуоһунаска кандидат бэйэтин бырагырааматын билиһиннэрдэ. Саха сирин баһылыга ылыммыт быһаарыылара инникитин да салгыы ыытыллыахтара. Инники кирбиигэ тутуллар хайысхаларга баар сыһыан оннунан хаалар. Бырайыактыыр салайыы бырагыраама-тус сыаллаах ньыма сороҕунан буолуоҕа.

Евгений Чекин дьокутааттар ыйытыктарыгар хоруйдаата. Ол кэнниттэн кини кандидатурата кистэлэҥ куоластааһын бюллетенигэр киирдэ.

0
0
21 января 21.01
  • -48°
  • $ 73,82
  • 83,32