18 Тохсунньу 18.01
  • -48°
  • $ 73,82
  • 83,32

"Азия оҕолоро": Кыайыылаахтары наҕараадалаатылар

12:49, 09 июля 2016
Текст:

«Азия оҕолоро» күрэхтэһиигэ кыһыл, үрүҥ уонна боруонса мэтээллэри ылбыт спортсменнары күн аайы Дьокуускай куорат Хомсомуол болуоссатыгар наҕараадалыыллар. Кыайыылаах дойдутун Өрөгөй ырыата тыыннаахтыы толоруллар.


Ким эрэ бу наҕарааданы аан бастаан ылар, ким эрэ номнуо ыла үөрүйэх. СИА Оонньуу кыайыылаахтарын кытта кэпсэттэ.

победа0

Дарья Васькина, харбааһын чөмпүйүөнэ:

Утарсааччыларым олус күүстээхтэр этэ. Кинилэри кыайбыппыттан мин олус үөрэбин. «Азия оҕолоругар» кыайыы – аан дойду таһымыгар тахсыы. Бу иннинэ мин Россия таһымыгар күрэхтэспитим.

победа1

Мичил Ноговицын, стендэ ытыытыгар чөмпүйүөн:

— Ытыынан мин биир сыл дьарыктанным. Ол иннинэ хас да сыл Казань куоракка ыытыллар хомуурга сылдьыбытым. Утарсааччыларым бука бары уопуттаах ытааччылар.

Ытыы миэхэ идэтийэн дьарыктаныы буолбатах, көннөрүү сөбүлүүр дьарыгым. Онон соһуччу кыайыы буолла. Сынньана түһэн баран Россия күрэхтэһиилэригэр кыттыам. Бэйэҕэр эрэллээх эрэ буоллахха, ситиһии кэлэр. Оонньуу кытааччыларыгар барыларыгар ситиһиилэри баҕарабын. Кылаабынайа – доруобуйаны!

победа2

Анастасия Шибаева, художественнай гимнастика чөмпүйүөнэ:

— Ооннуу тэрээһинин олус сөбүлээтим. Биһиги хас биирдиибит мэтээлэ уопсай түмүккэ дьайар. Климакка үөрэнии ордук ыарахан этэ.

0
0
18 января 18.01
  • -48°
  • $ 73,82
  • 83,32