Саха сиригэр 500-тэн тахса оҕо кииннэрэ уонна лааҕырдара үлэлиэхтэрэ. Манна 37 тыһыынча оҕо сынньаныаҕа. Быйыл бастакытын спортивнай лааҕырдарга регион бюджетыттан үбүлээһин көрүлүннэ. Ол туһунан өрөспүүбүлүкэ премьера Андрей Тарасенко мунньахха эттэ, суруйда СИА сүрүн пресс-сулууспа сонунугар сигэнэн.
Регион бюджетыттан өссө Краснодарскай уонна Приморскай кыраай лааҕырдарыгар сынньаныыга 976 путёвка төлөнөр, бу, былырыыҥҥыга тэҥнээтэххэ, 563-н элбэх.
«Дети Арктики» бырайыак чэрчитинэн 332 путёвканы Арктика уонна хоту улуустар оҕолоругар бэриллэр. Путёвканы таһынан оройуон кииниттэн лааҕырга диэри бара-кэлэ айан билиэтэ төлөнөр. Бу бырайыак бастакытын үлэлиир.
Үөрэх уонна тырааныспар министиэристибэлэрэ оҕолор бөлөҕүнэн көтүүлэригэр «күөх коридор» систиэмэтин тэрийиэҕэ. Доруобуйа харыстабылын министиэристибэтэ өрөспүүбүлүкэ тас өттүгэр көтөр оҕолор доруобуйаларын туругун көрүөҕэ.
Быйыл сайын спортивнай-чэбдигирдэр лааҕырдар Дьокуускайга, Алдаҥҥа, Намҥа, Сунтаарга, Чурапчыга үлэлиэхтэрэ.
