Муус устар 13 күнүгэр Хонуу бөһүөлэгэр саҥа тутуллар 36 квартиралаах, үс этээстээх, толору хааччыллыылаах дьиэ бастакы сыбаайатын туруоруу сиэрэ-туома буолла.
Тутаах сиэрин-туомун культура туйгуна, алгысчыт Ирина Слепцова оҥордо. Эҕэрдэ тылы СР Арктика дьыалаларыгар Госкомитетын председателэ А.В. Киселев уонна Муома оройуонун баһылыга П.Н. Черемкин ыллылар, саҥа дьиэ тутуллан эрэринэн оройуон олохтоохторун эҕэрдэлээтилэр уонна, бу дьиэ этэҥҥэ үлэҕэ киирэн, дьон-сэргэ үөрүүтүгэр өргө диэри туһалыырыгар баҕа санааларын тириэртилэр.
Дьиэни «Монтажник» МП достройщик (предс. А.М. Ханин) тутан эрэр.
Саҥа дьиэ олохтоохтору хаарбах дьиэлэртэн көһөрүү Федеральнай Программатыгар тирэҕирэн тутуллар. Бу программа СР бырабыыталыстыбатын 195 №-дээх 2015 с. бэс ыйын 11 күнүнээҕи уурааҕынан бигэргэммитэ (2007 с. от ыйын 21 күнүнээҕи 185 №-дээх Федеральнай Сокуон чэрчитинэн). Хонуу бөһүөлэгэр дьиэни тутуу хантараага ааспыт сыл ахсынньытыгар түһэрсиллибитэ, тутуута 117 мөл. солк. тэҥнэһэр.
Саҥа дьиэ быйыл алтынньы ыйга тутуллан бүтэн олоххо киириэхтээх.
