2551 киһи амбулаторнай эмтэниини ааста, 1002 СВО кыттыылааҕа госпиталга сытта уонна стационарнай көмө ыллылар. 357 киһи медицина реабилитациятыгар куурус ааста. Психотерапевтическай уонна психиатрическай көмөнү 708 киһи ылла.
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр медицина көмөтүн оҥоруу систиэмэлээхтик барар. СВО саҕаланыаҕыттан 3553 киһи көмөнү ылла. Ол туһунан бэҕэһээ брифиҥҥэ Доруобуйа харыстабылын министиэристибэтин нэһилиэнньэҕэ медицина көмөтүн тэрийэр Департамент кылаабынай исписэлииһэ Инга Бубякина эттэ.
