19 От ыйа 19.07
  • 21°
  • $ 87,88
  • 96,1

300-тэн тахса элбэх оҕолоох ыалга сир учаастагын биэрдилэр

Читайте нас на
Яндекс Новости
ЯДВ

Быйыл 319 сир учаастагын Саха сирин элбэх оҕолоох ыалыгар биэрдилэр. Онтон Дьокуускайга 70, Сунтаар оройуонугар 69, Горнайга 30 учаастак. Бу туһунан өрөспүүбүлүкэ баайга-дуолга уонна сир сыһыаннаһыыларыгар миниистирин бастакы солбуйааччы Ньургустаана Пахомова иһитиннэрдэ, диэн СИА кэпсиир.

«Былырыын 471 сир учаастага бэриллибитэ, быйыл 757 саҥа сайабылыанньа киирбититтэн 319 саҥа учаастагы биэрдилэр. Биһиэхэ тустаах дефицит баар, 2011 сылтан бэриллибит сайаапкаларынан күн бүгүн кээмэйэ 15401 буолар», – диэн кэпсээтэ.

Саха сиригэр 2011 сылтан сир учаастактарын 10 548 ыал ылла. Ньургустаана Пахомова бэлиэтээбитинэн, бастатан туран учаастактары дьиэ-уот усулуобуйатын тупсарыыга наадыйар дьон ылаллар.

«Ааспыт сыл түмүгүнэн дьиэ-уот усулуобуйатын тупсарыыга наадыйар 2624 кэриҥэ ыал баар. Биһиги өрөспүүбүлүкэбитигэр 33 тыһыынча 600 элбэх оҕолоох дьиэ кэргэн баар, 70%-на сайабылыанньа биэрбиттэр – бу 26 тыһыынча 349 дьиэ кэргэн», — диэн эбэн эттэ Ньургустаана Пахомова.

Следите за самым важным и интересным в Telegram-канале и WhatsApp-группе ЯСИА
Тутаах тыллар