27 Ыам ыйа 27.05
  • -7°
  • $ 104,68
  • 115,6

3-7 саастаах оҕо босуобуйатын от ыйыттан биэриэхтэрэ

09:32, 31 января 2020
Текст:

Оҕо 3 сааһыттан 7-гэр диэри төлөнөр босуобуйаны быйыл сайыҥҥыттан биэрэн саҕалыахтара. Ол туһунан бырабыыталыстыба бэрэссэдээтэлэ Владимир Солодов иһитиннэрдэ.


Босуобуйаны кыаммат ыалларга ый аайы биэрэллэр. Кыаммат ыал диэн  — дьиэ кэргэн хас биирдии чилиэнигэр тиксэринэн, ыйдааҕы дохуоттара тиийинэн олоруу алын кээмэйиттэн кыра буолуохтаах. Докумуоннарын, сайабылыанньаларын социальнай көмүскэл управлениеларыгар илдьэн туттарыахтаахтар. Билиҥҥи туругунан, Саха сирэ федеральнай бырагыраама бигэргэнэн кэлэрин күүтэр. Ол кэнниттэн төлөөн саҕалыахтара. Бэлэмнэнии үлэтэ бара турар. Саха сиригэр босуобуйа кээмэйэ – 8930 солкуобай. 2020 сыл тохсунньу 1 күнүттэн хос ааҕыллан (перерасчет), дьиэ кэргэттэр толору сыллааҕы босуобуйаны ылыахтара. Өскөтүн, 2020 сыл ахсынньы 31 күнүгэр диэри сайабылыанньаларын биэрбэтэхтэринэ, хойутууллар, сыллааҕы босуобуйа ааҕыллыбат. Санатар буоллахха, бу босуобуйаны биэрэр туһунан Владимир Путин тохсунньутааҕы Анал этиитигэр эппитэ. Кини босуобуйа оҕо 8 сааһын туолуор диэри бэриллэрин туһунан тоһоҕолоон бэлиэтээбитэ.

Ангелина Васильева, “Саха сирэ” хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА
0
0