21 От ыйа 21.07
  • 28°
  • $ 88,02
  • 96,04

28 киһи сальмонеллеһынан ыалдьыбыта билиннэ

17:50, 18 июня 2018
Текст:
Читайте нас на
Яндекс Новости
ЯДВ

Үөһээ Бүлүү улууһун Хоро с. элбэх киһи сальмонеллеһынан ыалдьыбыта бигэргэннэ.

edersaas.ru


Саха сиригэр Роспотребнадзор управлениета иһитиннэрбитинэн, лаборатория чинчийиилэринэн ыалдьыбыт киһи ахсаана 28 киһиэхэ тэҥнэстэ. Кинилэртэн 12 оҕо – 17-гэр диэри саастаах. Бүгүҥҥү туругунан, сальмонеллез инфекцията 24 ыарыһахха чахчы баара бигэргэннэ. Лаборатория чинчийиилэрэ билигин да салҕаналлар.

Ыалдьыбыттартан 15 киһи, эмискэ ыалдьыбыт төрүөттэрин от ыйын 16 күнүгэр, оскуоланы бүтэрээччилэр банкеттарыгар сылдьан аһаабыттарын кытта сибээстииллэр. Онтон атыттара арыый хойут, бэлэм бүлүүдэлэртэн хаалбыт аһылыгы дьиэлэригэр илдьэн сиэбиттэриттэн эмсэҕэлээбит курдуктар.

Билигин 21 ыарыһах – Үөһээ Бүлүү оройуоннааҕы киин балыыһатыгар, 7 ыарыһах Хоро учаастактааҕы балыыһатыгар киллэрилиннилэр. Сүһүрбүт дьон туруга ортонон сыаналанар, толору сөптөөх медицинскэй көмөнү ылаллар. Саас оҕолорго бактериофаг быһыыны туруорбуттар, онон кинилэр сүһүрүүнү арыый чэпчэкитик аһараллар.

Санитарнай-эпидемиологическай чинчийии кэмигэр банкекка бэлэмнэммит бородуукталартан уонна иһэр ууттан боруобалар, ыарыһахтартан, кинилэри кытары хантаактаспыт уонна араас бүлүүдэлэри бэлэмнээбит дьонтон биоматырыйааллары ылан, Роспотребнадзор управлениета балаһыанньаны хонтуруоллуур.

Өрөспүүбүлүкэ борокуратууратын сорудаҕынан, Үөһээ Бүлүү оройуонун борокуратуурата бэрэбиэркэни саҕалаата. Бэрэбиэркэ түмүгүнэн дьаһаллары ылар туһунан боппуруос быһаарыллыаҕа.

РФ Силиэстийэлиир кэмитиэтин Саха сиринээҕи управлениета  холуобунай дьыала тэрийдэ.

Надежда ЕГОРОВА, «Саха сирэ» хаһыат, edersaas.ru

 

 

1

0
Следите за самым важным и интересным в Telegram-канале и WhatsApp-группе ЯСИА