Сэрэдэҕэ, таһырдьа тымныйбытынан сибээстээн, Саха сирин 27 улууһугар оскуолаҕа үөрэх тохтотулунна.
Ол туһунан үөрэх министиэристибэтэ иһитиннэрдэ.
Өрөспүүбүлүкэҕэ бүгүн барыта 54363 оҕо үөрэнэ барбата, бу 338 оскуолаҕа. Дьокуускайга бары кылаастарга «оскуолаҕа үөрэммэт күн» биллэрилиннэ.
Сарсыарда 6 чааска кыраадыс — 48.
ЯСИА эрдэ УГМС тэрилтэ эппитинэн, нэдиэлэ бүтүөр диэри Саха сирин үгүс өттүгэр тымныы туруоҕа.
