Байыаннай дьайыы 25 кыттыылааҕа “Саха сирэ – дьоруойдар дойдулара” каадырдары бэлэмниир бырагыраамаҕа кыттыаҕа.
Өссө 25 байыаннай дьайыыга кытта сылдьар киһини резервэҕэ киллэриэхтэрэ. Бу туһунан Ил Дархан Айсен Николаев «Якутия, вперёд!» телеханаалга иһитиннэрдэ. Бу бырагыраама дойду үрдүнэн барытынан үлэлиир. Саха сиригэр бары эрэгийиэннэртэн бастакылар истэригэр үлэтин саҕалаата.
“Бу РФ Бэрэсидьиэнэ Владимир Путин биэрбит сорудаҕын биһиги олунньу 21 күнүгэр олоххо киллэрбиппит. Бүгүҥҥү күҥҥэ 200-тэн тахса сайаапка киирдэ. Бырагыраама биир кэмнээх буолбатах, бастайааннай, өссө да араас хайысхаларынан байытыллан иһиэҕэ. Мин тус бэйэм бу бырагыраама олоххо киириитигэр кыттыһыаҕым” — диэн бэлиэтээтэ Ил Дархан, суруйда Саха сирэ саайт.
This post was published on 28.02.2025 13:01 13:01