М.К.Аммосов аатынан Хотугулуу-Илиҥҥи федеральнай университекка бакалавриакка уонна специалитекка сүрүн түһүмэххэ үөрэххэ киирбиттэр испииһэктэрэ таҕыста. Барыта 2400 киһи үрдүк үөрэх устудьуона аатын сүкпүт. Бу туһунан «Саха Сирэ» саайт суруйар.
Атырдьах ыйын 5 күнүгэр ХИФУ үөрэххэ тутар хамыыһыйатын уочараттаах мунньаҕа буолан ааспыт. Ол түмүгүнэн 2400 абитуриент үөрэххэ киирбит: 2043 киһи күнүскү, 257 киһи кэтэхтэн үөрэххэ. Испииһэги манна көрүҥ. Үөрэххэ киирбиккит туһунан бирикээс выпискатын туттарсыбыт үөрэххит салаатын сүүмэрдиир хамыыһыйата биэриэ диэн суруйаллар.
Саха сирин сүрүн үрдүк үөрэҕин кыһатын устудьуона аатын ылбыттары эҕэрдэлиибит. Оттон үөрэххэ киирбэтэхтэр санааҕытын түһэримэҥ. Эһиил даҕаны туттарсыаххытын эбэтэр орто үөрэх кэнниттэн биир кэлим эксээмэнэ суох, университет бэйэтин тургутууларын ааһан киириэххитин сөп.
This post was published on 06.08.2024 09:32 09:32