Уһук Илин уокуругун эрэгийиэннээҕи (50,9%) итиэннэ олохтоох суолларын (55%) 2035 сылга нуормаҕа эппиэттэһэр гына тутар туһунан Уһук Илини сайыннарыы национальнай бырагырааматыгар суруллубут. Бу туһунан ТАСС суруйар.
«Бырагыраама 1 265 нэһилиэнньэлээх пууну айан суолунан хааччыйыа, эрэгийиэннээҕи итиэннэ олохтоох суоллар ахсааннарын элбэтэн, 50,9% уонна 55%-нара нуормаҕа эппиэттэһэрин ситиһиэ«, — диэн докумуоҥҥа суруллубут.
2024 сылга диэри 35 нэһилиэккэ 2,5 тыһ км, 12 агломерацияҕа 4,6 тыһ. км суолу, алта суол учаастагын федеральнай бас билиигэ биэрэр сорук турар. Маны таһынан, Уһук Илиҥҥэ эрэгийиэннээҕи авиахампаанньаны тэрийэр итиэннэ сөмөлүөтүнэн көтүү 50%-нын субсидиялыыр соруктар киирбиттэр.
«2025 сылтан: 10,1 тыһ. км нуормаҕа эппиэттэһэр олохтоох айан суолун, 78 нэһилиэнньэлээх пуун суолун тутуу, 33 аэропорт эбийиэктэрин саҥардыы, 209 сөмөлүөт түһэр былаһааккатын чөлүгэр түһэрии үлэлэрэ саҕаланыахтара«, диэн бырагыраамаҕа суруллубут.
This post was published on 29.09.2020 13:01 13:01