Урут бэриллибит нолуок уорганыгар учуокка туруу туһунан туоһу суруктары (ИНН) уларытар ирдэммэт, кинилэр юридическай күүстэрин сүтэрбэттэр.
- — ФНС официальнай саайтыгар «Сведения об ИНН физического лица» сервискэ;
- — физическэй сирэй нолуок төлөөччүтүн тус кабинетын нөҥүө;
- — «Госуслуги» портаал нөҥүө.
Докумуон электроннай көрүҥүнэн бэриллэр уонна киһи араспаанньатын, аатын, аҕатын аатын, төрөөбүт күнүн-дьылын уонна ИНН-ын туһунан дааннайдардаах. Докумуон күүһүрдүллүбүт квалификациялаах электроннай илии баттааһынынан баттанар уонна дуоһунастаах сирэй бэйэтин илиитинэн баттаабыт уонна нолуок уорганын бэчээтинэн бигэргэтиллибит кумааҕыга оҥоһуллубут докумуоҥҥа тэҥ күүстээх.
Ону таһынан, 2026 сылтан нолуок уорганыгар учуокка туруу эбэтэр учуоттан уһуллуу туһунан биллэриилэр көтүрүллэллэр. Бу сибидиэнньэлэр ЕГРН докумуонугар Юридическай сирэйдэр биир кэлим судаарыстыбаннай реестриттэн (ЕГРЮЛ), урбаанньыттар биир кэлим судаарыстыбаннай реестриттэн (ЕГРИП), ону таһынан аккредитациялаах филиаллар, тас дойду тэрилтэлэрин бэрэстэбиитилистибэлэрин судаарыстыбаннай реестриттэн регистрационнай дааннайдары кытта тэҥҥэ киллэриллиэхтэрэ.
This post was published on 06.08.2025 13:14 13:14