2026 сылга Саха сиригэр ыйдааҕы хамнас алын кээмэйэ (МРОТ) 20 % үрдээн 67 тыһ. солкуобайга тэҥнэһиэҕэ. Бу туһунан Ил Дархан Айсен Николаев алтынньы 21 күнүгэр буолбут быһа биэриигэ эттэ, суруйда Саха парламент саайт.
– Бүддьүөт социальнай хайысхатын тутарыгар кыһаллабыт. Бастатан туран, хамнас үрдүүрүгэр болҕомтобутун уурдубут. 2026 сылга ыйдааҕы хамнас алын кээмэйэ 20 % үрдүөҕэ, өрөспүүбүлүкэҕэ ортотунан 67 тыһ. солк. тэҥнэһиэҕэ, – диэн быһаарда.
Санатан эттэххэ, ыйдааҕы хамнас алын кээмэйэ хамнаска, уоппускаҕа, командировкаҕа уонна үлэтэ суохтарга бэриллэр босуобуйаҕа сабыдыаллыыр. Федеральнай бүддьүөттэн үбүлэнэр уонна бүддьүөттэн хамнас аахсыбат үлэһиттэр хамнастара ыйдааҕы тииһинэн олоруу алын кээмэйиттэн кыра буолуо суохтаах.
