Кэргэннии буолууга ханнык күннэр эһиил киэҥник тарҕаныахтарын сөбүн Саха сирин ГТАС управлениетын салайааччыта Дария Слепцова ЯСИА «Акцент» биэриитигэр кэпсээтэ. Спикер сыбаайба церемониятыгар эдэрдэр баҕарар дааталарын хайдах сакаастыахтарын сөбүн иһитиннэрдэ.
Слепцова этэринэн, 2026 сылга кэргэннии буолууга инниттэн-кэнниттэн ааҕыыга тэҥ күннэр уонна 8 сыыппаралаах дааталар, ол иһигэр от ыйын 8 күнэ – таптал уонна бэриниилээх дьиэ кэргэн күнэ буолуохтара. Аны эдэрдэр олунньу 14 күнүн талаллара элбэх.
«2026 сыл бэс ыйын 6 күнүгэр кэргэнниилэри регистрациялааһыҥҥа 21 сайабылыанньа киирдэ, бэс ыйын 26 күнүгэр 30 сайабылыанньа, атырдьах ыйын 8 күнүгэр 27 сайабылыанньа киирдэ. ГТАС куораттааҕы салаатыгар регистрацияҕа рекорд көрдөрөр күнүнэн 08.08.08 даата хаалар. Бу күн 176 сайабылыанньа киирдэ. Билигин кэргэнниилэри хас да сиргэ биир кэмҥэ регистрациялыыр буолан, пааралар талбыт күннэригэр тэрээһиннэри оҥоруохпутун сөп», – диэн бэлиэтээтэ Дария Слепцова.
Кэргэннии буолууга регистрациялыыр сайабылыанньалары «Госуслуги» порталга сыбаайбаҕыт буолар күнүн талбыт даатаҕытыттан биир ыйтан ииэҕэһэ суох эрдэ суруйан хаалларыаххытын сөп. талыллыбыт күнүттэн биир ыйтан хойутаабакка түһэриэххэ сөп. Кэргэннии буолууну кэрэ даатаҕа ыытарга сыл инниттэн инниттэн сайабылыанньаны биэрэгэ сүбэлииллэр.
Ону таһынан «Госуслуги» портал нөҥүө кэргэн кэпсэтиигэ этии оҥоруохха сөп.
This post was published on 26.11.2025 14:06 14:06