Сиһилии улуустарынан быһаарыыны манна аах.
Саха сирин бырабыыталыстыбата 2026 сылга өрөспүүбүлүкэ сүрүн социальнай-демографическай бөлөхтөрүнэн нэһилиэнньэ тиийинэн олоруутугар алын кээмэйин бигэргэттэ.
Быһаарыы социальнай-үлэ сыһыаннаһыыларын сүрүннүүр өрөспүүбүлүкэтээҕи үс өрүттээх хамыыһыйа этиитин учуоттаан ылылынна. Бырабыыталыстыба уурааҕа 2026 сыл тохсунньу 1 күнүттэн күүһүгэр киириэҕэ.
Уопсайынан өрөспүүбүлүкэ үрдүнэн нэһилиэнньэ дууһатыгар 2026 сылга олоруу алын кээмэйэ 28 598 солк. буолуо диэн иһитиннэрэр Саха сиринээҕи үлэ министиэристибэтэ.
Нэһилиэнньэ сүрүн социальнай-демографическай бөлөхтөрүнэн үлэлиир кыахтаах нэһилиэнньэҕэ олоруу алын кээмэйэ 31 172 солк., биэнсийэлээхтэргэ – 24 594 солк., оҕолорго – 27 740 солк. буолуоҕа.
