2025 сылга биэнсийэни иккитэ үрдэтиэхтэрэ, диэн Арассыыйа социальнай пуондатын бэрэссэдээтэлэ Сергей Чирков иһитиннэрдэ: инфляция түмүгүнэн олунньу 1 күнүгэр уонна социальнай пуонда бүддьүөтүн дохуодун таһымыгар олоҕуран атырдьах ыйын 1 күнүгэр.
«Биэнсийэҕэ көрүллэр үбү индексацияны учуоттаан, биэнсийэ сокуонун таһымыгар сөп түбэһиннэрэн аахтылар. Ол курдук, 2024 сыл тохсунньу 1 күнүттэн 7,5% үрдүөҕэ, 2025 сылтан саҕалаан индексация сылга иккитэ — олунньу 1 уонна атырдьах ыйын 1 күнүгэр буолуоҕа», — диэн Сергей Чирков Федерация сэбиэтин бүддьүөккэ уонна үп-харчы ырыынагар комитетын мунньаҕар бэлиэтээтэ.
This post was published on 12.10.2023 10:11 10:11