2300-тэн тахса бэйдиэ сылдьар ыты Саха сиригэр 2025 сыл саҕаланыаҕыттан туттулар. Өссө 100-тэн тахсаны анал пууннарга олохтоохтор аҕаллылар. Бу туһунан атырдьах ыйын 13 күнүгэр өрөспүүбүлүкэ ветеринариятын управлениетыттан иһитиннэрдилэр.
Дьокуускайга 1178 ыт тутуллубут, бу уопсай ахсаан аҥарын кэриэтэ буолар. Нерюнгри оройуонугар – 431, Ньурба — 90, Өлүөхүмэ — 87, Хаҥалас — 72, Нам — 71, Чурапчы — 61, Аллайыаха — 58. Атын оройуоннарга көрдөрүү 50-тан аҕыйах.
Дьиэ кыылын иитии быраабылатын кэһиини таһаарбыт бас билээччилэргэ сыл саҕаланыаҕыттан 452 административнай боротокуол оҥоһулунна. Уопсайа 607 500 солк. ыстараап сурулунна. Ону таһынан 74 боротокуол кыыллар дьон доруобуйатыгар хоромньуну оҥорууларынан оҥоһулунна. Ыстараап уопсай суумата 690 000 солк.тэҥнэстэ.
Сокуон быһыытынан, дьиэ кыылын иитии быраабылатын аан бастаан кэһии иһин ыстыраап 2000 — 3000 солк. диэри, хатылаатахха 4000 — 5000 солк. диэри көрүллэр. Кыыл киһи олоҕор эбэтэр доруобуйатыгар эбэтэр кини баайыгар-дуолугар буортуну оҥорбут буоллаҕына — 10 000 — 30 000 солк. диэри. Сорох түгэннэргэ холуобунай эппиэтинэс баар буолуон сөп.
This post was published on 14.08.2025 15:14 15:14