2024 сылга Саха сирин соҕуруу уонна арҕаа өттүн, «Сила Сибири» гаас ситимэ ааһар, нэһилиэнньэлээх пууннарын гаастыахтара. Ол туһунан бырабыыталыстыба бэрэссэдээтэлэ Кирилл Бычков «Якутия в деталях» биэриигэ «Якутия 24» ханаалга кэпсээтэ, суруйар ЯСИА.
«Биһиги өрөспүүбүлүкэбит гааһы холбооһуҥҥа рекорд көрдөрөр, 2021 сылга Ил Дархан Айсен Николаев «Газпрому» кытта сөбүлэҥ сурук түһэрсибитин кэннэ. Ол кэннэ бу бырагырааманан региоҥҥа сэттэ тыһыынча дьиэ гааска холбонно. Маннык тиэмпэни бу докумуона суох кыайан толоруллубат, инвестиция иэнэ улахан. Бэлиэтиэм этэ, ааспыт сылга былааны 138% куоһардыбыт», — диэтэ Кирилл Бычков.
Премьер-миниистир эппитинэн, маннык тэтим 2024 сылга салгыы ыытыллыахтаах.
Бу бырагырааманан социальнай өйөбүл оҥоһуллар.
